سەرۆکی ئەرکانی گشتیی هێزە چەکدارەکان و فەرماندەی قەرارگای ناوەندی خاتەمولئەنبیا ڕایگەیاند: بە هیچ جۆرێک ناهێڵین پاپۆڕە ژەنگرتووەکانی ئەمریکا بێنەوە بۆ کەنداوی فارس.

سەرلشکر عەلی عەبدوڵڵاهی وتیشی :هێزە چەکدارە جێیشانازییەکانی ئێرانی ئیسلامی بە پشتبەستن بە خوای تاکانە، توانیان هێزی دەریایی ئەمریکا کە ترامپ و سەرانی ئەو وڵاتە بە لووتکەی دەسەڵات و لێهاتوویی ئەمریکای دەزانن، لە ڕێگەی ئەو هێزەوە هەڕەشە لە ناوچەکە و هەموو جیهان دەکەن، پەک پێبخەن، تا ڕادەیەک کە ئیتر توانای نزیکبوونەوە لە دەریاکانی نزیک کەنداوی فارس و سنوورەکانی ئێرانیان نییە. ناوبراو بە ئاماژە بە بانگەشەی چەندین جارەی ترەمپ سەبارەت بە تیابردنی دامودەزگە ئەتۆمییەکانی ئێران و پێداگری لەسەر ئەوەی کە ئێران نابێ چەکی ئەتۆمی هەبێ، وتیشی: ئەگەر دڵنیان کە هەموو ئیمکانیات و توانا سەربازییەکانی ئێران تیاچووە، ئەی لەبەر چی پاپۆڕە ژەنگگرتووەکان، کەشتییەکان و هێزە سەربازییە ترسنۆکەکانتان ناوێرن نزیکی گەروی هورموز و سنوورە دەریایی و زەوینییەکانی ئێران ببنەوە؟