ساڵی تازەی زایینی پیرۆز بێت
کانونی دوھەم 01, 2023 08:13 Asia/Tehran
ئەمڕۆ یەکشەممەی یەکەم ڕۆژی مانگی ژانویەی ساڵی ٢٠٢٣، سەرەتای ساڵی نوێی زایینیە.
وڵاتی دوورگەیی «تۆنگا» لە کیشوەری ئەقیانووسیە، یەکەم وڵاتە کە ساڵی نوێی زایینی بە خۆیەوە دەبینێت. ئەمڕۆ یەکشەممەش یەکەم ڕۆژی مانگی ژانویەی ساڵی ٢٠٢٣، سەرەتای ساڵی نوێی زایینیە.
کەناڵی ئاسمانیی سەحەر هیوای ساڵێکی پڕ لە خێر و ئاشتی و دادپەروەری لە جیهاندا بۆ هەموو کریستیانەکانی جیهان و بە تایبەت فەلەکانی ناوچە کوردنشینەکان دەخوازێت.
بناغەی ڕۆژمێری زایینی بە گوێرەی لە دایک بوونی حەزرەتی عیسای مەسیح(ع)ـە.
عیسا مەسیح (ع) لە پێغەمبەرانی گەورەی ئیلاھییە کە لە قورئانی پیرۆزدا ڕێزی زۆری لێ گیراوە.
قورئانی پیرۆز لە چەند ئایەتێکدا مەسیح (ع) و پێگەی ئەو حەزرەتەی وەک یەکێک لە پێغەمبەرانی ئۆلۆلعەزم کە (خاوەنی کتێب و شەریعەت)ـە بەرز نرخاندووە.
