شەڕ و پێکدادانەکانی نێوان سەربازانی زایۆنی و فەلەستینیەکان برینداربوونی ژمارەیەک فەلەستینیی لێکەوتەوە.

بە پێی ڕاپۆرتی کەناڵی ئەلعالەم، هێزەکانی زایۆنی دوای سەرکوت کردنی خۆپیشاندانەکانی خەڵکی «کەفەر قەدوم» لە ڕۆژهەڵاتی «قەلقیلیا» گولەیان بە سەری گەنجێکی فەلەستینییەوە نا.

ئەمەو مانگی سووری فەلەستینیش ڕایگەیاندووە کە ١٧ فەلەستینی لە شەڕ و پێکدادان لەگەڵ هێزەکانی زایۆنیستی لە ناوچەی «حەوارە» و «بەیت دێجان» لە «نابلوس» بریندار بوونە.

هەروەها لە شارۆچکەی «قەریۆت» لە باشووری «نابلوس» پێکدادان لە نێوان گەنجانی فەلەستینی و سەربازانی زایۆنیستی ڕوویدا.

لە باشووری «ئەلخەلیل» لە دەروازەی ئۆردوگای «ئەلفوار»یش سەربازانی زایۆنی لەگەڵ گەنجانی فەلەستینی تێکهەڵچوون و بۆمبی گازی و گولەی پلاستیکییان تێ گرتن.