وتەبێژی هێزە سەربازیەکانی پارتی سووریای دێمۆکراتیک ڕایگەیاند لەئاکامی پەلاماری ئاسمانی دوێنێ سێ شەمی فڕۆکە جەنگیەکانی تورکیا بۆسەر بنکەو بارەگاکانی ئەم هێزانە لە باکووری ڕۆژهەڵاتی سووریا لانی کەم ٣٨ کەس کوژراون و بریندار بوون .

 بە گوێرەی هەواڵدەری فارس ، " ڕێدوور خەلیل " ، وتە بێژی هێزە سەربازیەکانی پارتی سوریای دێمۆکراتیک وریا وتی : فڕۆکە جەنگیەکانی تورکیا هەڵیان کووتایە سەر بنکەی فەرماندەری گشتی ئەو هێزانە نزیک سنووری  سوریا لە چیای " قەرەجۆج" لە ڕیفی شاری " ئەلمالکیە " نزیک سنوورەکانی سوریا لەگەل ئێراق دا .

" ڕێدوور خەلیل " بە باسکردنی ئەوەی کە لەم پەلامارە ، ٢٠ کەسی چەکداری سەر بە کوردەکانی سوریا کوژراون و ١٨ کەسیش بریندار بوون وتیشی :  پەلاماری ئاسمانی تورکیا زەرەرو زیانی مادیی زۆری داوە لە بنکەی فەرماندەری سەربازییەکانی سووریای دیمۆکراتیک داوە . سوپای تورکیا یش بە دەر کردنی بەیاننامەیەک ئیدعای کرد لە پەلامارەکانی ئاسمانی ئەو وڵاتە لە ناوچەکانی سوریا و ئێراق  ٧٠ کەسی چەکدار کووژراون . فڕۆکە جەنگییەکانی تورکیا بەیانی ڕۆژی سێ شەممە ، ناوچە گەلێکی شاری شەنگاڵی ئێراقیان بە بیانووی بوونی بارگاکانی پەکەکە لەم ناوچەگەلە بۆمباران کردووە .  پەلامارەکانی ئاسمانی و تۆپخانەییەکانی تورکیا بۆ سەر ناچە سنوورەییەکانی ئێراق دوابە دوای  بنپێکرانی ڕێککەوتننامەی ئاگر بڕ لە نێوان ئانکارا و پەکەکە لە هاوینی ٢٠١٤ هەمدیسان دەستپێکراوەتەوە کە زۆرتر لە ناوچە شاخاوییەکانی باکووری ئێراق دا بەڕێوە دەچێت .