وتووێژی وەزیرانی دەرەوەی ئەمریکا و ڕوسیا لەبارەی سوریا
وەزیرانی دەرەوەی ئەمریکا و ڕوسیا ، لەپێوەندی تەلەفوونی لە بارەی هاوکاری مۆسکۆ و واشنگتۆن بۆ چارەسەری قەیرانی سوریا وتووێژیان کرد .
بە گوێرەی ڕاپۆرتی کەناڵی دەنگ وباسی سکای نیوز ، ریکس تیلێرسۆن وەزیری دەرەوەی ئەمریکا و سرگئی لاڤرۆف وەزیری دەرەوەی ڕوسیا ڕۆژی هەینی هەروەها لە بارەی ناوچەکانی کەم ئالۆزیی لە سوریا باسو ڕاوێژیان کردووە . وەزارەتی دەرەوەی ڕوسیا یش بە پشت ڕاست کردنەوەی ئەو وتووێژی تەلەفوونییە ، ڕایگەیاند کە هاوکاری بۆ چارە سەری قەیرانەکەی سوریا لە مێحوەرەکانی سەرەکی وتوویژەکانی لاڤرۆف و تیلێرسۆن بووە .
بەر لەویس ژماریک لە سەرچاوە ئاگادارەکان باسیان لە دانیشتنی ئاستانە، هەواڵی ڕیککەوتنی ڕوسیا ، ئێران و تورکیا بۆ نانەوە و مسۆگەڕ بوونی ناوچەکانی کەم ئالۆزی لە سوریا کردبوو . خوولی شەشەمی دانیشتنی سوری ئاستانە ، رۆژی پینج شەممە ١٤ سیپتەمبەر لە پێتەختی کازاخستان دا دەستپێکراوە . تا بە ئێستا پینج خولی دانووستانەکانی ئاستی باڵا لە ئاستانە، بە ئامادە بوونی لیژنەکانی دەوڵەتی سوریا ، بەرهەڵستکارانی چەکدار کە ئاگر بڕەکەیان قەبووڵکردووە و وڵاتانی ئێران ، ڕوسیا و تورکیا وەکوو دەستەبەر کەرەوەی ئاشتی لە سوریا دا بەڕێوە چوو . ئەنجامی سەرەکی ئەو دانووستانانە، ئیمزای تەبایی نامەی بەدی هینانی ناوچەکانی کەم ئالۆزی لە سوریا دا بووە . ئەو دانووستانانە لە سەر دەسپێشخەری کۆماری ئیسلامی ئێران وهاوکاری ڕوسیا وتورکیا ، بەمەبەستی دامەزراندنی ئاشتی لە سوریا دا بەڕێوە چووە.
