لەشکەریانی رژێمی ئالی خەلیفە بۆ هەشتا هەمین حەوتەی بە دوای یەکدا رێیان گرت لە بەڕێوەچوونی نوێژی هەینی شیعەکانی بەحرێن لە ناوچەی " الدراز" ، شوێنی نیشتەجێ بوونی شێخ عیسا قاسم زانای ئایینی گەورەی ئەم وڵاتە .

بە پێی راپۆرتی رۆژی هەینی ماڵپەڕی « صوت المنامه » بە دوای ئەم هەنگاوەی رژێمی ئالی خەلیفەدا ، خۆپێشاندانێکی بەرفراوان لە دژی ئەم رژێمە لە ناوچەی دوراز بەڕێوە چوو .

بەشداران لەم خۆپێشاندانەدا بە بەرزکردنەوەی دروشم گەلێک ، هەنگاوە دوژمنکاریەکانی ئالی خەلیفەیان ئیدانە کرد . خۆپێشاندەران هەروەها دروشم گەلێکیان بۆ یەکدەنگیی لە گەڵ شێخ عیسا قاسم بەرز کردەوە .

رژێمی ئالی خەلیفە بە سەندنەوەی مافی هاوڵاتی بوون و دادگایی کردنی شێخ عیسا قاسم لە ژوئەنی 2016 وە ناوچەی دوراز ، شوێنی نشتەجێ بوونی ئەم زانا ئایینیەی گەمارۆداوە .