کوژرانی پێنج سەربازی سەعوودی لە جەیزانی عەرەبستان
نیشانەپێکەکانی یەمەنی پێنج سەربازی سەعوودییان لە جەیزانی عەرەبستان کوشت.
بە پێی ڕاپۆرتی کەناڵی تەلەڤزیۆنی ئەلعالەم؛ ئەم پێنج سەربازە سەعوودییە رۆژی پێنجشەممە بە دەستی نیشانەپێکەکانی یەمەنی لە گوندی "قەمەر" ی جەیزان، لە باشووری عەرەبستان کوژران.
یەکەی تۆپخانەی سوپا و لێژنە جەماوەرییەکانی یەمەنیش شوێنی کۆبوونەوەی هێزە سەربازییەکانی سەعوودییان لە ناوچەی «طلعه الرجله» ی نەجران لە باشووری عەرەبستان دایە بەر پەلامار.
هەروەها مێدیاکانی سەعوودی ڕۆژی پێنجشەممە دانیان نا بە کوژراو و بریندار بوونی دوازدە هێزی سەربازیی خۆی بە دەستی هێزە یەمەنییەکان لە ناوچە سەرسنوورییەکانی عەرەبستاندا.
عەرەبستان بە داکۆکیی ئەمریکا لە مارسی ٢٠١٥ـەوە بە پەلاماری سەربازی بۆ سەر یەمەن ، گەمارۆی زەوینی، دەریایی و ئاسمانی ئەم وڵاتەی داوە . ئەم دەسدرێژییە سەربازییە تا ئێستا بۆتە هۆی کوژرانی پتر لە 13 هەزار کەس، بریندار بوونی دەیان هەزار کەس و ئاوارە بوونی بە ملوێنان یەمەنی دیکە و هەروەها تیاچوونی زۆربەی ژێرخانەکانی ئەم وڵاتە.
هێزە یەمەنییەکانیش لە کاردانەوە بە هێرشەکانی دەسدرێژکاران، بنکە و مەتەرێزی هێزەکانی ڕژێمی ئالی سەعود و بەکرێگیراوانی لە یەمەن و نێو خاکی عەرەبستان دەدەنە بەر پەلامار.
