شوبات 18, 2018 12:29 Asia/Tehran
  • درێژەی پەلاماری عەرەبستان بۆسەر یەمەن،  هەژدە کەسی سیڤیل کوژراون

لەبەر پەلاماری ئێوارەی شەممەی فڕۆکە جەنگییەکانی ڕژێمی سعودی بۆسەر شاری کەتاف ی پارێزگەی سەعدە لەباکووری یەمەن، لانیکەم هەژدە کەسی سیڤیل لەوان چەند ژن و ئافرەت، کوژراون.

بەپێی ڕاپۆرتی ئیرنا،  لەنێوان کوژراوان ژومارێک فریاگوزاریش بەرچاو دەکەوێ   . 

لەم پەلامارەدا ژومارێکیش بریندار بوون  . 

فڕوکە جەنگییەکانی ڕژێمی سعودی بەرلەمەش بەجاران خەڵکی یەمەنیان  لە خاک و خوێن دا گەوزاند بوو  . 

عەرەبستان بە داکۆکیی ئەمریکا  لە مانگی مارسی 2015  دەستی داوەتە دەستدرێژی سەربازی بۆسەر یەمەن و گەمارۆی زەوینی ، دەریایی و ئاسمانی ئەم وڵاتە  . 

شەڕخوازییەکانی عەرەبستان و هاوپەیمانانی لە یەمەن تائێستا کوژران و بریندار بوونی دەیان هەزار کەس و ئاوارە بوونی بە ملوێنان یەمەنی لێ کەوتوەتەوە  . 

یەمەن هەروەها لەبەر ئەم دەستدرێژکارییە  بەرەوڕووی کەمبوونی توندی خوراک ، دەرمان و پەرەسەندنی نەخۆشی جۆربەجۆر بوەتەوە.

ڕژێمی سعودی  و ئەمریکا تائێستا لەبەر خۆڕاگری گەلی یەمەن نەیانتوانیوە بە ئامانجەکانیان لەم وڵاتە بگەن.

 

سەرپەیڤ