کاردانەوەی پارێزگاری دوورگەی " سوقوترا "ی یەمەن بە داگیرکردنی ئیمارات
پارێزگاری سوقوترای یەمەن کردەوەی ئیماراتی لەو دوورگەیەی ئیدانە کرد و ڕەخنەی گرت لە دەوڵەتی دەس لە کار کشاوەی یەمەن بە هوی شەرعیەت دان بە داگیرکاریی ئیمارات .
بە گوێرەی ڕاپۆڕتی ڕۆژی یەکشەمەی هەواڵدەریی فەرمی یەمەن سەبا " هاشم سەعد ئەلسوقوترا " پارێزگاری سوقوترا وتی : ئامادە بوونی هێزەکانی ئیماراتی لە دوورگەی سوقوترا ؛ پێشێلکرانی ئاشکرای هەموو یاسا نێونەتەوەیی و مرۆییەکانە و بە واتای دەسوەردانی ئاشکرا لە کاروباری وڵاتانی دیکەیە . پارێزگاری سوقوترا جەختی کرد هێزە داگیرکارەکانی یئمارات لەو دوورگەیە لە بەردەم چاوی دەوڵەتی هەڵاتووی عەبد ڕەبە مەنسوور هادی سەرۆک کۆماری دەس لەکار کشاوەی یەمەن ؛ دارە کونەکان و بەردە مەرجانیەکان دەدزن و و هەروەها پەلەوەرە کەم وێنەکان ئەکەنە ئامانج . هاشم ئەلسوقوترا داوای لە ڕێکخراوە نێونەتەوەییەکان بۆ وێنە یونوسکۆ کرد تا ئەرکی خۆی لە هەمبەر پاراستنی دوورگەی سوقوترا کە لە پێڕستی کەلەپووری جیهانی و پاشەکەوتە سروشتیەکانی جیهانی تۆمارکراوە جێ بەجێ بکەن . ناکۆکیەکانی نێوان دەوڵەتی دەس لە کار کشاوەی یەمەن و ئیمارات لە ساڵێک لەکەوبرەوە بە دوای کردەوەی عەبد ڕەبە مەنسوور هادی سەرۆک کۆماری دەس لە کار کشاوەی یەمەن لە مەڕ لابردنی " عەبدڕوس ئەلزوبەیدی " پارێزگاری عەدەن سەر بە ئیمارات توندتر بووەوە . دوورگەی سوقوترا لە نێوان کەنداوی عەدەن و ئوقیانووسی هێند لە نزیکیی کەنارەکانی سومالی دایە کە بەرلە داگیر رکدنی هێزەکانی ئیماراتی لە کونتڕۆڵی هێزەکانی وەفادار بە دەوڵەتی دەس لە کار کشاوەی یەمەن و هاوپەیمانەکانی ڕژیمی عەرەبستان بوو .
