سوپای یەمەن، پێگەی بەکرێگیراوانی سەعوودی تۆپباران کرد
یەکەی تۆپخانەیی و پشتیوانیی مووشەکیی سوپاو لێژنە جەماوەرییەکانی یەمەن، بنکەو پێگەی بەکرێگیراوانی سەعوودی لە سارای "البقع" لە نەجران، باشووری عەرەبستان، کردە ئامانج.
بەپێی ڕاپۆری ئەلمەسیرە، لەئەنجامی ئۆپراسیۆنی مووشەکیی سوپای یەمەن بۆسەر پێگەی بەکرێگیراوانی سەعوودی، خەسار و زیانی زۆری گیانی و دراڤی لەوان کەوت.
سەرچاوەیەکی سەربازیش وتی: یەکەی تۆپخانەیی سوپای یەمەن ، شوێنی گردبوونەوەی سەربازانی عەرەبستانی لە "رەقابە مراش"ی نەجران تۆپباران کرد.
لەهەمان کاتدا هێزەکانی سوپاو لێژنە جەماوەریەکانی یەمەن هەروەها بە بەرپەرچدانەوەی پەلاماری سەربازانی عەرەبستانی، هەوڵی ئەوانیان بۆ پێشڕەویی بەرەو بازگەی"علب" لە "عەسیر" لەباشووری ئەو وڵاتە، پووچەڵ کردەوە.
شەڕخوازیی عەرەبستان وهاوپەیمانانی لە یەمەن لە مارسی٢٠١٧ـەوە تائێستا کوژرانی زیاتر لە چواردە هەزار یەمەنی، برینداربوونی دەیان هەزار کەس وئاوارەبوونی بەملوێنان یەمەنی لێکەوتووەتەوە.
رژیمی سەعوودیاو هاوپەیمانانی تائێستا لەبەر خۆڕاگریی خەڵکی یەمەن نەیانتوانیوە ئامانجەکانیان لەو وڵاتە(بەدەسەڵات گەیاندنی بەکرێگیراوانیان) بێننەدی.
