کەوتنە خواری فڕۆکەی بێ سەرنشینی عەرەبستان لە "جیزان"
یەکەی بەرەڤانی ئاسمانی سوپا و لێژنە جەماوەرییەکانی یەمەن فڕۆکەی بێ سەرنشینی عەرەبستان لە جیزانی خستە خوارەوە.
بە پێی ڕاپۆرتی ئیرنا ، یەکەی بەرەڤانی ئاسمانی یەمەن ڕۆژی هەینی ، فڕۆکەی سێخوڕیی دەسدرێژکارانی سەعودی لەکاتی فڕێن لەسەر ئاسمانی ناوچەی " ئەلحەریقە" لە وادی جارە" سەربە پارێزگەی جیزان، لە باشووری عەرەبستانیان دایە بەر پەلامار. یەکەی بەرەڤانی ئاسمانی سوپا ولێژنە جەماوەرییەکانی یەمەن نۆی ئۆکتۆبەریش دوو فڕۆکەی سێخوڕیی عەرەبستانیان لە ناوچەی " ئەلشەبەکە " لەڕۆژهەڵاتی جبل ئەلدود" لە جیزان" خستە خوارەوە. سوپا ولێژنەکا جەماوەرییەکانی یەمەن هەروەها ئەمرۆ بە هاویشتنی هاوەن شۆفەڵێکی سەربازیی دەسدرێژکارانی سەعودیان لە رۆژهەڵاتی جبل ئەلدود لە جیزان لەنێوبرد. بە پێی ئەم ڕاپۆرتە ، ژمارەیەک لە سەربازانی عەرەبستانیش بە هۆی بۆمبە دەکارنراوەکان لە ناوچەی " محولە " لە جیزان کوژران وبرینداربوون. عەرەبستان بە پشتیوانی ئەمریکا، ئیمارات وچەند وڵاتی تر لە مارسی ٢٠١٥ پەلاماریان کردە سەر یەمەن وپاشان ئەم وڵاتە هەژارە عەرەبیەیان گەمارۆی زەوینی ، دەریایی وئاسمانی دا. شەڕنانەوەکانی عەرەبستان لەیەمەن بووە هۆی کوژرانی فرەتر لە چواردە هەزار یەمەنی ، بریندار بوونی دەیان هەزار کەس وئاوارەبوونی ملیۆنان یەمەنی.
