کاردانەوەکان بە رووداوەکەی بەیرووت
دوا بە دوای ئاگرکەوتنەوە لە چەندین ھەماری شاری بەیرووت و کوژران و بریندار بوونی تاقمێکی زۆر لە شارومەندانی لوبنانی ، کەسایەتی وکەناڵەکانی دەنگوباس کاردانەوەیان نیشاندا .
محەمەد جەواد زەریف وەزیری دەرەوەی ئێران رایگەیاند : بیر و دوعای ئێمە لە گەڵ گەلی گەورەی لوبنان و خۆڕاگریی لوبنانە و ئێران وەک ھەمیشە تەواو ئامادەیە بە ھەر جۆرێک کە پێویست بێ یارمەتی بگەیەنێ .
کەناڵی 12 ی ئیسراییل بە گێڕانەوە لە بەرپرسانی رژێمی زایۆنی رایگەیاند : ئیسراییل ھیچ دەستێکی لە تەقینەوەکەی بەیرووت دا نەبووە .
بەڕێوەبەری کەناڵی ئەلجەزیرە لە تاران دەڵێ : سەرچاوە نافەرمیەکان باس لەوە دەکەن ھۆکاری تەقینەوەکە بوونی 2750 تەن نیتراتی ئامۆنیۆم لە ھەماری بەندەرە کە بووە ساڵی 2014 دەستی بەسەر داگیرابوو .
وتەبێژی پەنتاگۆنیش رایگەیاند : گۆڕانکاریەکانی تەقینەوەکەی بەیرووتمان لە نزیکەوە لە ژێر چاوەدێری دایە و ھێشتا بۆ لێدوان زووە .
