سەنعا بۆ گۆڕینەوەی یەخسیران ئامادەیە
حوزه‌یران 13, 2021 20:25 Asia/Tehran
سەرۆکی لیژنەی کاروباری یەخسیرانی حکومەتی رزگاریی نیشتمانیی یەمەن باسی ئامادەیی سەنعای کرد بۆ گۆڕینەوەی یەخسیرانی خۆجێیی لە گەڵ حکومەتی دەست لەکارکێشاوەی یەمەن .
بە پێی راپۆرتی کەناڵی ئەلمەسیرە ، عەبدولقادر مورتەزا شەوی رابردوو گوتی ، ئەگەر بەکرێگیراوانی ھاوپەیمانیی سعودی لێوەشاوەیی ئەو کارەیان ھەبێ ، ئێمە ئامادەی ئەنجامدانی کارەکەین بە جۆرێک کە ئەم گۆڕینەوە مەحمود سەبیحیی (وەزیری بەرگریی پێشووی حکومەتی وازلەکارھێناوی مەسنوور ھادی )، ناسر مەنسوور ھادی ( برای سەرۆکی وازلەکارھێناو) و کاربەدەستانی دیکەش بگرێتەوە .
عەبدولقادر مورتەزا بەر لەوەش گووتبووی، عەربستانی سەودی لەم دواییانەدا لە بەکرێگیراوانی خۆی ویستووە حەوت ھەڵمەتی گۆڕینەوەی یەخسیران لە چەند بەرە بریتی لە 400 یەخسیر لە دوو لایەن رابگرن .
