کاردانەوەی حەماس بە سەردانی سەرۆکی رژێمی زایۆنی بۆ ئیمارات
کانونی دوھەم 30, 2022 19:51 Asia/Tehran
بزووتنەوەی حەماس سەردانی سەرۆکی رژێمی زایۆنی لە ئیماراتی بە ھۆکاری ھاندانی ئەم رژێمە بۆ ئەنجامدانی تاوانکاریی زیاتر لە دژی گەلی فەلەستین زانی .
ئیسحاق ھێرتزوگ سەرۆکی رژێمی زایۆنی ئەمڕۆ یەکشەممە بە سەردانێکی فەرمی گەیشتە ئیمارات و لە سەرەتای گەیشنی لە فڕۆکەخانە لە لایەن عەبدوڵڵا بنی زاید ئالی نەھیان وەزیری دەرەوەی ئیمارات پێشوازی لێکرا .
بە پێی راپۆرتی ئەلمەیادین ، بزووتنەوەی حەماس ئەمڕۆ یەکشەممە لە بەیاننامەیەک دا رایگەیاند ، پێشوازیی لە سەرانی رژێمی زایۆنی لە پێتەختە عەرەبی و ئیسلامیەکان پاداشە بە رژێمی داگیرکەر و ھاندانی بۆ تاوانکاریی زیاتر .
لە بەیاننامەی حەماس دا ھاتووە ، بە داخەوە سەردانی ھێرتزوگ بۆ ئەبووزەبی لە سایەی توندبوونی پەلامارەکانی رژێمی داگیرکەر لە دژی گەلی فەلەستین بە کوشتار و گرتنی ئەم گەلەیە .
