وەرگەڕانی بەلەمێک لە کەناراوەکانی سووریا بە ١٥٠ کەسەوە
ئه‌یلوول 23, 2022 08:38 Asia/Tehran
بەلەمێکی لوبنانی کە لانیکەم ١٥٠ کۆچبەری نایاسایی هەڵگرتبوو، لە کەناراوەکانی سووریا نوقم بوو.
بە گوێرەی هەواڵێکی ئاژانسی سپۆتنیکی ڕووسی بە گێڕانەوە لە سەرچاوە سوورییەکان، ١٥٠ کۆچبەری نایاسایی لە کەناراوەکانی سووریادا توشی کارەسات بوون.
سەرچاوە سوورییەکان جەختیان لەوەش کردووەتەوە کە، تا ئێستا تەرمی نزیکەی ٤٠ سەرنشینی ئەم بەلەمە لە ئاو گیراونەتەوە.
کەناڵی ئەلجەزیرەی قەتەریش ڕایگەیاندووە کە ئەم بەلەمە ھەڵگری کۆچبەری نایاسایی بووەو لە باکووری لوبنانەوە بەڕێ کەوتووە.
