رێککەوتنی «میشێل عەون» و «بەشار ئەسەد» لەبارەی دیاریکردنی سنوورە دەریاییەکانی لوبنان و سووریا
له په‌یوه‌ندییه‌کی ته‌له‌فۆنیدا سه‌رۆک کۆماری لوبنان و سه‌رۆک کۆماری سووریا له‌سه‌ر دیاریکردنی سنووره ده‌ریاییه‌کانی هه‌ردوو وڵات رێککه‌وتن.
بە پێی ڕاپۆرتی ئەلئەخبار، «میشێل عەون» سەرۆک کۆماری لوبنان و «بەشار ئەسەد» سەرۆک کۆماری سووریا لە پەیوەندییەکی تەلەفۆنیدا ڕەزامەند بوون بەوەی کە شاندگەلێکی فەرمی لە وەزارەت و بەڕێوەبەرایەتییەکانی سووریا و لوبنان پێکبهێنرێت و کۆبوونەوە لە بەیروت و دیمەشق ئەنجام بدرێت بۆ ئەوەی بە زووترین کات بگەنە ڕێککەوتن.
ھەردووک سەرۆک کۆمارەکە هەروەها لەم پەیوەندییە تەلەفۆنییەدا جەختیان لەوە کردەوە کە دانوستانەکانی نێوان لوبنان و سووریا سەبارەت بە کێشانی سنوورەکان بەبێ هیچ نێوەندگیرییەک و بەس بە پێی رێککەوتنی نێوان هەردووک وڵات بەڕێوە بچن.
ھەردووک لاش لە سەر مۆرکرانی پەیماننامەیەکی دوو قۆڵی کە هیچی لە رێککەوتنی سنووری ئاویی نێوان لوبنان و فەلەستینی داگیرکراو ناچێت، پێیان داگرت.
سەرۆک کۆماری لوبنان و سەرۆک کۆماری سووریا ئاماژەیان بەوەش دا کە لە ڕێککەوتنی نێوان لوبنان و سووریادا هیچ نێردەیەکی ئەمەریکا و هیچ گەرەنتییەکی نێودەوڵەتی و دانوستانێکی ناڕاستەوخۆ لە ئارادا نابێت.
