گرووپی هاککەریی حەنزەلە ڕایگەیاند: ئەندامەکانی توانیویانە کنە بکەنەنێو بنکەکانی سوپای رژیمی زایۆنیستی و ئەوەی لەناویاندا ڕوودەدا، تۆمار بکەن.

ماڵپەڕی والا ڕایگەیاند: ئەندامانی گرووپی هاککەریی حەنزەلە سەرلەبەیانی ئەمڕۆ توانیان دزە بکەنە نێو پێگەکانی سوپای رژیمی زایۆنیستی و ئەوەی لەناویان ڕوودەدا، تۆماری بکەن. وێنە تۆمارکراوەکان پیشاندەری دیمەنی ناوەوەی دامەزراوە سەربازییەکان، ژوورەکانی کۆڕ و کۆبوونەوەو بنکەگەلی سەرکردایەتییە. لە هەندێ لەو وێنەو ڤیدیۆیانەی لەلایەن ئەو گرووپەوە بڵاوکراوەتەوە، چەند شوێنێکی ناو پێگە سەربازییەکان، کەرەستەو جیهازاتی سەربازی و ئەو ژوورانەی چەکدارانی زایۆنی کەڵکیان لێ وەردەگرن، بەرچاو دەکەوێ.