پەرلەمانتارێکی کورد لە پەرلەمانی عێراق ئاشکرای دەکات کە چاوپێکەوتن و کۆبوونەوەی چڕ هەیە لە نێوان نوێنەرانی هەرێم و بەرپرسانی بەغدا، بۆ چارەسەرکردنی کێشە هەڵپەسێردراوەکانی نێوانیان.

بە پێی ئاژانسی هەواڵی مێهر لە سەرچاوە کوردییەکانی هەرێم، سۆران عەبدوڵڵا، پەرلەمانتاری کورد لە پەرلەمانی عێراق رایگەیاند: لە ئێستادا چاوپێکەوتن و کۆبوونەوەی چڕ هەیە لە نێوان پەرلەمانتارانی هاوپەیمانیی کوردستانی و بەرپرسانی بەغدا بۆ دۆزینەوەی چارەسەری کێشە هەڵپەسێراوەکانی نێوان هەرێم و ناوەند.

ناوبراو رایگەیاند: کۆبوونەوەکان بە ئامانجی چارەسەرکردنی کێشەکان و هەموارکردنەوەی رێککەوتنەکانی هەرێم و ناوەند بەڕێوەدەچێت.

سۆران عەبدوڵڵا ئاماژەش دەکات بەوەی کە هەمووان چاوەڕوانی بڕیاری دادگای ئیتیحادین بۆ دەستپێکردنەوەی کۆبوونەوەکانی پەرلەمان و یەکلا کردنەوەی هەندێک دۆسیە‌، کە تا ئێستا بە هەڵپەسێردراوی ماونەتەوە.