سەرۆکی هەرێمی کوردستانی ئێراق پێشوازی لە باڵیۆزی ئەمه‌ریکا لە ئێراق کرد.

ئەمڕۆ مەسعوود بارزانی، سەرۆکی هەرێمی کوردستانی عیراق لە سەڵاحەدین پێشوازی لە ستیوارت جۆنز باڵیۆزی ئەمەریکا لە عێراق و شاندێکی یاوەری پیکهاتی له جەنەڕاڵ مەکفارلەند فەرماندەی هێزە هاوپەیمانەکان لە عێراق و ژمارەیەک لە بەرپرس و ڕاوێژکاری سەربازیی سوپای ئەمەریکا کرد.

لە دیدارەکەدا بارودۆخی مەیدانیی بەرەکانی شەڕی دژی تیرۆریستانی داعش لە شاری فەلووجە و پارێزگاکانی دیکەی عێراق تاوتوێ کرا و شاندی میوان سەرۆک بارزانیان لە پلانەکانی ئەمەریکا و هاوپەیمانان بۆ تێکشکاندنی تیرۆریستانی داعش لە شوێنە جیاجیاکانی ئێراق و سووریا ئاگادار کردەوە.

لە بەشێکی دیکەی کۆبوونەوەکەدا هەماهەنگیی نێوان هێزی پێشمەرگەی کوردستانی عیراق و هێزی هاوپەیمانان بەرز نرخێندرا و تیشکیش خرایە سەر جێبەجێکردنی بڕیاری ئەمەریکا بۆ یارمەتیدانی دارایی هاوکاریکردنی هێزی پێشمەرگە.

هەر لەم کۆبوونەوەیەدا بیروڕا لەبارەی ئۆپڕاسیۆنی ئازادکردنی موسڵ و قۆناغی دوای داعش و چۆنییەتی بەڕێوەبردنی پارێزگای نەینەوا لە دوای داعش ئاڵوگۆڕ کرا و هەردوولا لەسەر ئەوە هاوڕابوون کە پێویستە بە وردی قۆناغی دوای داعش دیراسە بکرێت و جەختیش لە بەشداریی پێکهاتەکان لە پڕۆسەی ئازادکردنی موسڵ کرایەوە.