63بەندکراوی ئێرانی لە هەرێمی کوردستانی ئێراق ، ڕادەستی ئێران کران
بەڕێوەبەری بەندیخانەی ناوەندیی سلێمانی بە ئاماژەدان بەڕادەست کردنی 63 بەندیی ئێرانی بەندکراو لە بەندیخانەکانی هەرێمی کوردستانی ئێراق بۆ ئێران، وتی : بەم زوانە 34 بەندکراوی دیکە لە چوارچێوەی ڕێککەوتنی هەرێمی کوردستان لەگەڵ کۆماری ئیسلامیی ئێران ڕادەستی کاربەدەستانی وڵات دەکرێن هەتا درێژەی سزادانەکەیان لە وڵات تێپەڕ بکەن .
شێرکۆ عارف شەوی سێ شەممە لە پرێس کۆنفرانسێک دا لە سلێمانی بە ڕاگەیاندنی ئەم بابەتە وتی : بە پێی ڕێککەوتنەکان بۆ گوڕینەوەی بەندییەکان لە نێوان کۆماری ئیسلامیی ئێران و هەرێمی کوردستانی ئێراق دوولایەن بەندییەکانیان بۆ تێپەڕکردنی ماوەی سزادرانیان لە نێو وڵاتانی خۆیان، دەگۆڕدرێنەوە .
بەڕێوەبەری گشتی بەندیخانەی ناوەندیی سلێمانی پێداگری کرد : پێنج بەندییەکیش کە لە ئێران بەندکرا بوون گوێزرانەوە بۆ بەندیخانەی ناوەندی سلێمانی و ئێستا ماوەی سزادرانیان لە نێو هەرێم تێپەڕ دەکەن.
ناوبراو لە درێژەدا وتیشی : سی و چوار بەندیی ئێرانی دیکەش لە بەندیخانەی ناوەندیی سلێمانی ماون کە دەگوازرێنەوە و بەم زوانە کارەکانی یاسایی ئەوان بەڕێوە دەچێت.
کۆماری ئیسلامیی ئێران و هەرێمی کوردستانی ئێراق ساڵی ڕابردوو ڕێککەوتننامەیەکیان بۆ گواستنەوەی بەندییەکانی یەکتر کە لە وڵاتی بەرامبەر دا لە زیندان دان، مۆر کرد بوو .
