یەکێک لە فەرماندەکانی پێشمەرگەکانی هەرێمی کوردستانی عێڕاق جەختی کرد کە تەنیا دوو لقی بچووکی سەربازیی پەکەکە لە چەند پێگەی ئەو پارتە لە باشووری کەرکوک جیگیرن و به مجوره ئامادەبوونی 2000 هێزی ئەو پارتە لەو پارێزگایە لە باکووری عێراقی وەدرۆ خستەوە.

بە پێی راپۆرتی کوردپرێس ، چەند رۆژ لەمەوبەر ، ئاسۆ تاڵەبانی ، سەرۆکی شاندی نوێنەرایەتیی سیاسیی هەرێمی کوردستانی عێراق لە مسکۆ ، لە وتووێژ لەگەڵ ئیتێر فەکس رایگەیاند کە 2000 هێزی سەربازیی پەکەکە لە باشووری کەرکوک سەقامگیرن و ئەو پارتە لەگەڵ بەغدا رێککەوتووە سەبارەت بە بەشداریی لە ئۆپێراسیۆنی ئازاد کردنی موسڵ.

لە هەڵوێست بەو لێدوانانەی تاڵەبانی ، وەستا رەسوڵ ، فەرماندەی هێزەکانی پێشمەرگە لە تەوەرەی 4 ی کەرکوک بە تەلەفیزیۆنی رووداوی کوت : ئەو ژمارە هێزی پەکەکە لە کەرکوک ئامادە بین ، بەڵکو دوو گروپی بچووکی سەربازیی ئەو پارتە لە چەند پێگەی بچووک لە باشووری کەرکوک سەقامگیرن.

وەستا رەسوڵ وتی : ژمارێ لە ئاوارەکانی کوردی تورکیاش لەو ناوچەیە لە کەمپی مەخمور نیشتەجێن کە هەموویان مەدەنین و هێزی پەکەکە نین.

ناوبراو بە ئاماژە بەوەی کە ئەو دەستە لە هێزەکانی پەکەکە کە لە باشووری کەرکوک ئامادەن ، لە کاتی هێرشی داعش وەک هێزی خۆبەخش لەو ناوجەیە سەقامگیرن کوتی : بەردەوامیی بوو ن یا چوونە دەرەوەی ئەو هێزانە لە کەرکوک بەستراوە بە بڕیاری پارێزگار و ئەنجومەنی ئاسایشیی ئەو پارێزگایە.