وەزیری بەرگریی وپشتیوانی هێزە چەکدارەکانی ئێران پەردەی لادار لەچەند گەڵاڵەی گرینگ لەبواری بەرەڤانی و جوگرافیدا .

بە پێی ڕاپۆری ئەمڕۆ شەممەی وەزارەتی بەرەڤانی ئێران، سەرداری سەرتیپ حوسێن دێهقان وەزیری بەرەڤانی و پشتیوانی هێزە چەکدارەکانی ئێران ئەمڕۆ شەممە بەبۆنەی حەوتەی دەوڵەت، پەردەی لادا لەڕووی چەند گەڵالەی گرینگ بریتی لە؛ یەکەم فڕۆکەی بێ فڕۆکەوان لەژێرناوی"رەهام" ، یەکەن نەرمئامێری خۆماڵی دیاریکردنی بەوردیی مەداری سەتەلایت، بەرهەم هێنانی نەخشەکانی تۆپۆگرافی سێ ڕەهەندی بەکەڵک وەرگرتن لە وێنە سەتەلایتییەکان و سیستەمی نەرمئامێریی وەرگرتن و بەرهەم هێنانی زانیاریی سەتەلایتەکان لەڕێکخراوی جوگرافیایی وەزارەتی بەرگریی.

سەرداری سەرتیپ دێهقان لە ڕێوڕەسمی کرانەوەو کەڵک وەرگرتن لەو گەڵاڵانە، وتی: ڕێکخراوی جوگرافیایی وەزارەتی بەرگریی ئێران بەپاڵپشتی دەسپێشخەری، داهێنان و زانستی خۆماڵی زانستوەران وپسپۆرانی بلیمەت وکارامە توانیویەتی هەنگاوگەلی بەرز هەڵبگرێ بۆ چارەسەریی کەندو کۆسپ و گرفتەکان لەوبارەوە، و پێشکەوتن گەلێکی بەرچاو بەدەست بێنێ.