نۆ کەسی تووشبوو بە کۆرۆنا لە سلێمانی چاکبوونەوە
ئادار 23, 2020 12:05 Asia/Tehran
بەڕێوەبەری گشتی تەندروستی سلێمانی ئاشکرای کرد، نۆ کەسی تووشبوو بە کۆرۆنا لە سلێمانی چاکبوونەوەو رەوانەی ماڵەکانیان دەکرێنەوە.
د. سەباح ھەورامی، بەڕێوەبەری گشتی تەندروستی سلێمانی رایگەیاند: " 9 هاووڵاتی توشبووی ڤایرۆسی کۆرۆنا لە شاری سلێمانی چاکبوونەوە و دەگەڕێنەوە ماڵەکانی خۆیان".
لە دوایین راگەیەندراوی وەزارەتی تەندروستی ئاماژە بەوەکراوە، کە پێشتر 13 حاڵەتی دیکەی چاکبوونەوە لە ھەرێمی کوردستانی عێراق تۆمار کراوە.
تائێستا کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان 76 تووشبووە، لەنێویاندا کەسێک مردووە.
