نوێنەری حکومەتی ھەرێمی کوردستانی عێراق لە تاران باسی تووشبوونی خۆی بە کۆرۆنا دەکات و دەشڵێ باری تەندروستییەکەی باشە .

بە پێی ھەواڵێکی کوردپرێس ، نازم عومەر دەباغ نوێنەری حکومەتی ھەرێمی کوردستان لە تاران ، دوانیوەڕۆی ئەمڕۆ یەکشەممە لە دیمانەیەکدا لە گەڵ رووداو ، رایگەیاند حەفتەی رابردوو چەند تاقیکردنەوەی ئەنجامداوە و دوای ئەوە دەرکەوتووە تووشی کۆرۆنا بووە بەم حاڵەوە وەزعی باشە و لە ماڵ ماوەتەوە . 

دەباغ وێڕای راگەیاندنی ئەوەی کە بە دوای تووشبوونی ئەو بە پەتای کۆرۆنا نوێنەرایەتی ھەرێم لە تاران کە 22 فەرمانبەری ھەیە داخراوە و کارەکانیان بە تەلەفۆن ڕادەپەڕێنن ، جەختی کردەوە : لە ھەموو فەرمانبەرانی ویستووە تێستی کۆرونا بدەن .