ھێرشی دووبارەی فڕۆکە شەڕکەرەکانی تورکیا بۆ سەر ھەرێمی کوردستان
فڕۆکە شەڕکەرەکانی تورکیا جارێکی دیکە پێنچ گوندی سنوری قەزای زاخۆی ھەرێمی کوردستانیان بۆردومان کرد .
بە پێی ڕاپۆرتی کەناڵی ئاسمانیی سەحەر بە گێڕانەوە لە ماڵپەڕی شارپرێس ، چەند فرۆکەیەکی شەڕکەری سوپای تورکیا پاشنیوەڕۆی ڕۆژی ھەینی بە چڕی بۆردومانی گوندەکانی «کەشان» و «ڕویسێ» و «سیلێ»ی سەر بە ناحیەی «باتیفا»یان کرد و زەرەرو زیانێکی زۆریش لە رەز و باخی جوتیارانی ناوچەکە کەوت.
هەربەگوێرەی زانیارییەکان فرۆکەکانی تورکیا گوندەکانی «پەرەخ»و «شیشێ» لەسنوری ناحیەی «دەرکار»یشیان بۆردومان کرد کە بەم ھۆیەشەوە ئاگر لە ناوچەکە کەوتەوە.
هەرچەندە تورکیا ئۆپراسیۆنەکانی لەناوخاکی هەرێم راگرتووە بەڵام بۆردومانی فرۆکەکانی لەسنوری پارێزگای دهۆک و هەولێر بەردەوامەو رۆژانە بۆردومانی گوندەکان دەکات کە بەهۆیانەوە زەرەرو زیانێکی زۆر بەر باخ و دانیشتوانی ئەو گوندانە دەکەوێت.
