هێرشی ئاسمانیی تورکیا بۆ سەر دەڤەری حاجی ئۆمەران
کانونی دوھەم 23, 2021 09:35 Asia/Tehran
فرۆکه جه‌نگییه‌کانی تورکیا سنووری حاجی ئۆمه‌ران بۆردومان ده‌که‌ن و لە بۆردومانەکەدا ٢٥٠ سەر ئاژەڵ کراوەتە ئامانج.
بە پێی ڕاپۆرتی ئاژانسی هەواڵی مێهر، جارێکی دیکە دوانیوه‌ڕۆی دوێنێ هەینی فڕۆکه جه‌نگییه‌کانی تورکیا بۆردوومانی کوێستانەکانی گوندی گوندەژۆری لە سنوری شارۆچکەی حاجی ئۆمەران کرد.
بەگوێرەی زانیارییەکانی شارپرێس،لە بۆردومانەکەدا 250 سەر ئاژەڵکراوەتە ئامانج و تائێستا زیانەکانیش نەزانراون.
هاوکات عەبدلوەهاب مەحمود، بەڕێوەبەری شارۆچکەی حاجی ئۆمەران به میدیاکانی پارتی وتووە، لەم وەرزەدا گوند و ناوچە کوێستانەکانی گوندەژۆر چۆڵن و بۆردومانەکە زیانی بۆ سەر هاونیشتمانییان نەبووە.
بەڕێوەبەری ناحیەی حاجی ئۆمەران دەشڵێت: "رۆژهەڵاتی گوندەکە کەوتووەتە بەر بۆردوومانی فڕۆکەیەکی تورکیا و بە بیانووی بوونی چەکداری (پەکەکە) بۆردوومانی دەکات".
