وەزیری کاروباری دەرەوەی کۆماری ئیسلامیی ئێران لەگەڵ سەرۆکی پارتی دیموکراتی کوردستانی عێراق دیدارو وتووێژی کرد.

بە پێی ڕاپۆرتی ھەواڵدەریی فارس، «موحەممەد جەواد زەریف» وەزیری کاروباری دەرەوەی کۆماری ئیسلامیی ئێران دوای گەشتەکەی بۆ بەغداو دیدارو وتووێژی لەگەڵ کۆمەڵێک لە کاربەدەستان و کەسایەتییە سیاسییەکانی عێراق ، ڕۆژی سێ شەممە گەییشتە ھەولێری ناوەندی حکومەتی ھەرێمی کوردستانیش و لەگەڵ «مەسعود بارزانی» سەرۆکی پارتی دیموکراتی کوردستانی عێراق دیدارو وتووێژی کرد.

وەزیری کاروباری دەرەوەی کۆماری ئیسلامیی ئێران لە سەردانەکەی بۆ بەغداش لەگەڵ سەرۆک وەزیران، وەزیری دەرەوە، سەرۆک کۆمارو سەرۆکی پەرلەمانی ئەم وڵاتەش دیدارو وتوێژی کرد.

زەریف ھەروەھا لەگەڵ کۆمەڵێک لە کەسایەتی و ڕابەرانی ڕەوتە سیاسییەکانی عێراقیش دیداری کرد.