لە نوسراوێکدا وەزارەتی ڕۆشنبیری هەرێمی کوردستان داوا لە وەزاڕەتی ناوخۆ دەکات ڕێگە بەهیچ هونەرمەندێکی بیانی نەدەن بۆ سازدانی ئاهەنگ و کۆنسێرت لە هەرێمی کوردستان.

بە پێی راپۆرتی شارپرێس ، لە نوسراوێکدا کە وەزارەتی ڕۆشنبیری حکومەتی هەرێمی کوردستان، ئاراستەی وەزارەتی ناوخۆی کردووە داوادەکات، رێگەپێدان بە هیچ هونەرمەندێکی بیانی نەدرێت لە هەرێمی کوردستان کۆنسێرتی گۆرانی سازبکات، بەبێ ڕەزامەندی وەزارەتی ڕۆشنبیری و لاوان سەندیکای هونەرمەندانی کوردستان.

ئەم بریارەی وەزارەتی رۆشنبیری لە کاتێکدایە کە لە هەفتەی رابردوو دا سازدانی کۆنسێرتێکی هونەری بۆ هونەرمەندێکی بیانی نارەزایی شەقام و ناوەندە هونەری و رۆشنبیرییەکانی بەدواداهات و بلیتەکانی کۆنسێرتەکە بە پارەیەکی خەیاڵی دەستاودەستیان پێوەکرا.