بەڕێوەبەری بەشی خوێندنی کوردیی کە کەرکوک ئاشکرای کرد، بەغدا هەڕەشەی وەرنەگرتنی دەرچوانی ئامادەیی بەشی خوێندنی کوردی کەرکوکی لە زانکۆکانی عێراق کردووە.

 بە پێی هەواڵی وێستگە نیوز ،  شێرزاد ڕەشید کاکە، بەڕێوەبەری بەشی خوێندنی کوردی لە بەڕێوەبەرایەتی پەروەردەی کەرکوک گوتی، " پێیان وتووین، ئەگەر وەزارەتی پەروەردەی حکومەتی هەرێم سەرپەرشتی تاقیکردنەوەکانی بەشی خوێندنی کوردی بکات لەشاری کەرکوک، ئەوا ئه‌وان ئامادەنین دەرچوانی ئامادەیی لەزانکۆکانی کەرکوک‌ و عێراق وەربگرن".

زیاتر لە 105 هەزار خوێندکار لە بەشی کوردیی پارێزگای کەرکوک دەخوێنن و حەوت هەزار مامۆستا و فەرمانبەر-یش لەسەر هەمان بەش دامەزراون و دەوام دەکەن.

هاوکات بەردەوام مامۆستایان و خوێندکاران ڕەخنەی ئەوەیان هەبووە، کە هاوشێوەی خوێندنی سەر بە وەزارەتی پەروەردەی عێراق گرنگییان پێنەدراوە.