لە یەکەم رۆژی ساڵی نوێ دا ، تورکیا چەند ناوچەی سیدەکانی تۆپبارانکرد
کانونی دوھەم 01, 2022 22:15 Asia/Tehran
فڕۆکە جەنگییەکانی تورکیا دەستیان بە بۆردوومانکردنی چەند ناوچەیەکی ناحیەی سیدەکانی سەر بە پارێزگای هەولێر کرد.
پاشنیوەڕۆی ئەمڕۆ شەممە فڕۆکە جەنگییەکانی تورکیا بۆردوومانی دەرەوار و پێشوار لە ناوچەی برادۆستی سەر بە ناحیەی سیدەکانیان کرد.
ئەوە یەکەم حاڵەتی تۆپبارانی ھەرێمی کوردستان لە لایەن تورکیاوە لە ساڵی نوێی زایینیە.
ئەو بۆردوومانە لەکاتێکدایە، بەگوێرەی میدیای پەکەکە، تورکیا دوو هاووڵاتی هەرێمی کوردستانی لە ناوچەی برادۆست بە تۆمەتی هاوکاریکردنی پەکەکە دەستگیرکردووە.
