دەروازەی نێودەوڵەتیی حاجی ئۆمەران : جارێ سەردانی ئەم دەروازەیە مەکەن
کانونی دوھەم 17, 2022 13:16 Asia/Tehran
دەروازەی حاجی ئۆمەران داوا لە هاوڵاتیان دەکات بەهۆی بارینی بەفرێکی زۆر و خراپیی کەشوهەوا لە سنوورەکەیان، ئەگەر بۆ کارێ زۆر پێویست نەبێت، جارێ سەردانی دەروازەکەیان نەکەن بەمەبەستی گەشتکردن بۆ ئێران.
دەروازەی نێودەوڵەتیی حاجی ئۆمەران، ئەمڕۆ یەکشەممە، لە راگەیەندراوێکدا وتی، ئاگاداری هەموو گەشتیاران و هاوڵاتیان دەکەین لە بەر بارینی بەفرێکی زۆر و سەختی رێگاکان و کەم بوونەوەی ئاستی بینین و تێکردنی بەفرێکی زۆر بە با و کڕێوە و خراپیی کەشوهەوا داوا دەکەین ئەگەر بۆ کارێکی زۆر پێویست نەبێت جارێ سەردانی دەروازەی نێودەوڵەتی حاجی ئۆمەران نەکرێت بە مەبەستی گەشتکردن بۆ ئێران.
هەروەها داواشی لەو هاوڵاتییە ئێرانیانە کردوە کە دەیانەوێت سەردانی هەرێمی کوردستان بکەن، جارێ سەردانی دەروازەکەیان نەکەن تاکوو بارودۆخەکە بەباشی ئاسایی دەبێتەوە.
