دوای تۆمار کرانی 10 حاڵەتی کۆلێرا ، تەندروستیى سلێمانى باری لەناکاوی راگەیاند
بەڕێوەبەرى تەندروستیى سلێمانى لەسەر داوای وەزارەتى تەندروستى عێراق باری لەناکاویان راگەیاندوەو کە لە ٢٤ کاتژمێری رابردوودا ١٠ حاڵەتى تووشبون لە سلێمانی بە کۆلێرا تۆمار کراون.
د. سەباح هەورامى بەڕێوەبەرى تەندروستیى سلێمانى تکا لە هاوڵاتیان دەکات خۆیان بپارێزن و هاوکاری تیمە تەندروستییەکان بکەن بۆ تێپەڕاندنى دۆخەکە و کۆنترۆڵکردنى نەخۆشییەکە.
بەڕێوەبەرى تەندروستزى سلێمانى ئاشکرای کرد،١٠ حاڵەتی توشبوون بە نەخۆشی کۆلێرا لە سلێمانی تۆمارکرا و لەسەر داوای وەزارەتی تەندروستیی عێراق باری لە ناکاو رادەگەیەنین.
هەورامى دەشڵێت"تکام وایە هاوڵاتیان خۆیان بپارێزن پلانمان هەیە بە هاوکاریی هاوڵاتیان دۆخەکە تێ بپەرێنین چونکە دەزانین چۆن کۆلێرا کۆنترۆڵ بکەین".
بەرێوەبەری تەندروستی سلێمانی روونیکردەوە کە پێشتر لە تاقیگەکانی خۆیاندا ٥٦ حاڵەت تۆمار کرابوو، لە تاقیگەکانی وەارەتی تەندروستی عێراقیش لە بەغدا ١٠ حاڵەت تۆمارکراوە کە ئێمە پشکنینەکانمان ناردبوو، هەر بۆیە وەزارەتی تەندروستی عیراق داوای لیکردنی حاڵەتی لەناکاو رابگەیەنین.
ئەمە لەکاتێکدایە کە هەفتەى رابردووش دوو حاڵەتى توشبوون بە کۆلێرا لە شارى کەرکوک راگەیەنراو چەند رێکارێکیش بۆ رێگە گرتن لە نەخۆشییەکە بڵاوکرایەوە.
