دوانیوەڕۆی ئەمڕۆ بۆ جاری سێیەم بە موشەک هێرش کرایەوە سەر کێڵگەی گازی کۆرمۆر لە ناحیەی قادر کەرەمی سەر بە قەزای چەمچەماڵ.

ئەمە لە کاتێکدایە، پاشنیوەڕۆی دوێنێ هەینی، بە دوو هێرشی جیاواز هێرشکرایە سەر کێڵگەکە و زیاتر لە پێنج موشەک ئاڕاستەی کۆرمۆر و کۆمپانیای دانەگاز کران لە سنووری قادرکەرەمی سەر بە قەزای چەمچەماڵ.

هەر سەبارەت بەو هێرشانە، دوو رۆژ بەر لە ئێستا ورۆژی 22ی ئەم مانگە هێرشێک کرایە سەر کۆمپانیای دانەگاز لە سنووری چەمچەماڵ و دواتریش دژەتیرۆری کوردستان رایگەیاند، هێرشەکە لەرێگەی کاتیۆشاوە بووە بەڵام هیچ زیانێکی گیانی بەدواوە نەبووە.