SAHAR

دەستەی سەربەخۆی مافی مرۆڤی هەرێمی کوردستان، سەرکۆنەی توندوتیژی و بەکارهێنانی چەکی کرد و لەبارەی ڕوداوەکەی گوندی لاجانەوە ڕایگەیاند: "لێکۆڵینەوە بەردەوامە بۆ دۆزینەوەی ئەو کەسانەی تەقەیان کردوە.

دەستەی سەربەخۆی مافی مرۆڤی کوردستان لە ڕاگەیەندراوێکدا بڵاویکردەوە، کە تیمێکی تایبەتیان چووەتە شوێنی ڕوداوەکە و لەوێ لەگەڵ چەند کەسێکی مەدەنی گفتوگۆیان کردووە لەسەر ڕوداوەکە و بۆیان دەرکەوتووە کە لێکۆڵینەوە بەردەوامە، بەڵگەی زۆریش کۆکراونەتەوە بۆ دۆزینەوەی ئەو کەسانەی تەقەیان کردوە و هەرکەسێکیش تەقەی کردبێ ڕێکاری یاسایی بەرامبەر ئەنجام دەدرێت.

نیوەڕۆی دوێنێ شه‌ممه‌ له‌ گوندی لاجان-ی نزیک گوێر له‌ سنووری پارێزگای هه‌ولێر شه‌ڕ له‌ نێوان خه‌ڵکی ناڕازیی و هێزه‌ ئه‌منییه‌کانی هەرێمی کوردستان ڕوویدا کەژمارەیەک قوربانی لێکەوتەوە.