SAHAR

کاتی بڵاوبوونەوە: 11:30

1

بنکەکانی دابینکەری سووتەمەنی فڕۆکە جەنگییەکانی ئیسراییل تیاچوون

سپای پاسدارانی ئێران سەرلەبەیانی ئەمڕۆ ڕایگەیاند، دام و دەزگەکانی بەرهەمهێنەری سووتەمەنی فڕۆکەی جەنگی و ناوەندەکانی دابینکەری وزەی ڕژێمی زایۆنیی پێکاوە.

2

تلاڤیڤ: ڕادەی کاولکاری پاش هێرشەکەی ئێران گەلێک زۆرە

ڕادیۆی سوپای ڕژێمی زایۆنی ڕادەی ئەو وێرانکارییەی کە لە ناوچەیەکی تلاڤیڤ دوای هێرشە وێرانکەرەکانی ئێران بەجێماوە، بە "یەکجار زۆر و نائاسایی" وەسف کرد. هەروەها کەناڵی ١٢ی ڕژێمی زایۆنیش ڕایگەیاندووە کە لە ئەنجامی هێرشەکەی شەوی ڕابردووی ئێران زیاتر لە ٢٠٧ کەس گوێزراونەتەوە بۆ نەخۆشخانە و نزیکەی ٣٥ کەسیش لە بێتیام بێسەروشوێنن.

3

بشێوی پاش کەوتنی مووشەکەکانی ئێران لە تەمرە

بە پێی وێنە و گرتەی بڵاوکراوە لە میدیاکانی ڕژێمی زایۆنی، ڕەوشی ناوچەی تەمرە پاش هێرشەکانی ئێران تەواو تێکشێواوە و بشێوی ئەم شارەی گرتۆتەوە. بە پێی ئەم وێنە و ڤیدیۆگەلە دانیشتووانی ناوچەکە لەگەڵ پۆلیس تێکهەڵچوون و فریاگوزاری بۆ ناوچە زەبروێکەوتووەکان پەکی کەوتووە.

4
یەمەن یافای لە فەلەستینی داگیرکراو کوتا

یەحیا سەریع وتەبێژی هێزە چەکدارەکانی یەمەن ڕایگەیاند: لە ڕێگای ژمارێک مووشەکی بالستیکی واوەدەنگی فەلەستینی ٢ـوە، هەڵمەتێکی سەربازیی سەرکەوتوومان دژ بە ناوچە گرنگەکانی دوژمنی زایۆنی لە ناوچەی داگیرکراوی یافا ئەنجام داوە.

5

ترەمپ: ئێمە دەستمان نەبووە لە پەلاماردرانی ئێران

دۆناڵد ترەمپی سەرۆک کۆماری ئەمریکا لە کاردانەوە بە پەلاماری ئیسراییل بۆ سەر ئێران لە تۆڕی کۆمەڵایەتیی ئێکس نووسی: ئەمریکا هیچ دەستی نەبووە لەو پەلامارەی ئەمشەو کرایە سەر ئێران، بێتوو ئێران بە هەر شێوازێک هێرش بکاتە سەر ئێمە، هێزە چەکدارەکانی ئەمریکایش بە هەموو تواناوە وەڵامی ئێران دەداتەوە.