SAHAR

کاتی بڵاوبوونەوە: 11:30

1-

پێداگریی پزشکیان لەسەر یەکڕیزیی نیشتمانیی خەڵکی ئێران

سەرۆک کۆماری ئێران وێڕای ئاماژە بەوەی کە دەسدرێژکاریی رژیمی زایۆنی بۆسەر ئێران، بووەهۆی یەکڕیزیی و یەکگرتوویی نیشتیمانی، پێی داگرت: بێگومان ئێران خوازیاری شەڕ نیە بەڵام لەهەمبەر شەڕی سەپێندراودا، ئێرانییەکان بەو پەڕی تواناوە بەرگریی لە یەکپارچەیی وڵاتیان دەکەن.

2-

چوونەسەری ژماری شەهیدانی غەززە

وەزارەتی تەندروستیی فەلەستین لە کەرتی غەززە لە بەیاننامەیەکدا ڕایگەیاند کە بە شەهیدبوونی٨٩هاووڵاتیی فەلەستینی دیکە لە غەززە، ژماری شەهیدان گەیشتووەتە ٥٩هەزار و ٥٨٧ کەس.

3-

رەخنەی ئانرۆا لە بێ دەنگیی جیهان لەهەمبەر تاوانکارییەکانی رژیمی زایۆنی

"ئیناس حەمدان" وتەبێژی ئانرۆا لە قاهیرە بەڕاگەیاندنی ئەوەی کە ٣٣٠کەس لە فەرمانبەران و کارمەندانی ئانرۆا لە غەززە کوژراون و ٣٠٠ناوەندیشی وێرانبووە، رەخنەی گرت لە بێ دەنگە کردنی کۆمەڵگای جیهانی لەهەمبەر دڕندەکارییەکانی رژیمی زایۆنی لە غەززە.

4-

مەکرۆن: فەلەستین بەڕەسمییەت دەناسین

سەرۆک کۆماری فەڕانسە وتی: ئەو وڵاتە لەئاراستەی بەرەڤانی لە خەڵکی فەلەستین پێش بەڕێوەچوونی کۆبوونەوەی کۆگەی گشتیی نەتەوە یەکگرتووەکان لەمانگی سیپتەمبەری داهاتوو، وڵاتی فەلەستین بە رەسمییەت دەناسێ.

5-

درێژەی پەلاماری ئاسمانیی رژیمی زایۆنی بۆسەر لوبنان

رژیمی زایۆنی لە دوێنێ ئێوارێوە جارێکی دیکە لە پەلامارە ئاسمانییەکانی، بەرزاییەکانی "ئەلڕەیحان" لە باشوری لوبنانی بۆردومان کرد کە بەهۆیەوە، هاووڵاتیەکی لوبنانی شەهید بوو.

6-

هەڵوەشانەوەی ڕێککەوتنی نەوتیی٥٠ساڵانی تورکیا لەگەڵ عێراق

تورکیا بەڕاگەیاندنی بڕیاری هەڵوەشاندنەوەی ڕێککەوتنی نەوتیی دەیەی ١٩٧٠ی لەگەڵ عێراقدا واتا هێڵی بۆریی کەرکووک-جیهان، پێی داگرت؛ لەهەوڵی ڕێککەوتنێکی تازەو نوێدایە بەگوێرەی ڕاستییە ژیۆپۆلیتیکی و ئابورییەکان.