SAHAR

کاتی بڵاوبوونەوە: 11:30

1-

لاریجانی : ئاساییکردنەوەی پێوەندی لەگەڵ سوریا دەگەڕێتەوە بۆ ھەڵسوکەوتی دیمشق

عەلی لاریجانی سکرتێری ئەنجوومەنی باڵای ئاسایشی نیشتمانیی ئێران بە ڕەخنەگرتن لە دەسوەردانی ڕژێمی زایۆنی لە کاروباری سوریا گوتی : ئیمکانی ئاساییکردنەوەی پێوەندیی لەگەڵ دیمشق ھەیە و ئەم بابەتە دەگەڕێتەوە بۆ ھەڵسوکەوتی سوریا . 

2-

ئێدانەکرانی کوشتنی پەیامنێران لە غەززە

سەید عەبدولمەلیک بەدەردین حوسی ڕێبەری ئەنساروڵڵای یەمەن بە ئاماژە بە تاوانکاریەکانی ڕژێمی زایۆنی لە کەرتی غەززە گوتی : ڕژێمی زایۆنی ھەواڵنێران دەکاتە ئامانج تا جیھان تاوانکاریەکانی ئەم ڕژێمە لە غەززە نەبینێ . 

3-

تاوسەندنی قەیرانی مرۆیی لە غەززە

ئیسماعیل سەوابیتە بەرپرسی نوسینگەی ڕاگەیاندنی حکومەت لە غەززە ، وێڕای وشداریدان لە بارەی تاوسەندنی قەیرانی مرۆیی لە باشووری غەززە ڕایگەیاند ، نزیکەی 890 ھەزار کەس لە خان یونس و ڕەفەح ڕووبەڕووی برسیەتی و نەخۆشیی جۆربەجۆرن . 

4-

زەبری نوێی قەسام لە ڕژێمی زایۆنی 

گوردانەکانی قەسام لە بەیاننامەیەک دا ھەواڵی ئەنجامدانی ھەڵمەتێکی تێکەڵاو و ئاڵۆزی لە دژی یەکینەیەکی سەربازیی ڕژێمی زایۆنی لە ناوچەی ئەلبەرعەسی لە باشووری گەڕەکی زەیتوونی شاری غەززە و زەبروەشاندن لە ئەرتەشی تیرۆری ڕاگەیاند . 

5-

دەستدرێژیی دووبارەی ڕژێمی زایۆنی بۆسەر لوبنان

فڕۆکە جەنگیەکانی ڕژێمی زایۆنی بۆجارێکی دیکە چەندین ناوچەی لە ئەلجبوور و ئەلقەترانی لە باشووری لوبنان و ھەروەھا شارۆکەی زەلایا لە بوقاع دایەبەر پەلامار کە لەم پەلامارانە دا دوو لوبنانی شەھید بوون . 

6-

بەرزبوونەوەی ئاماری کوژراوانی ئیدلیب

ڕامی عەبدوڕەحمان بەڕێوەبەری ڕوانگەی سووری بۆ مافەکانی مرۆڤ ڕایگەیاند لە تەقینەوەکانی پارێزگەی ئیدلب دا ، شەش کەس لەوان دوو کەسی مەدەنی کوژران و 8 کەسی دیکەش بریندار بوون .

7-

پێویستیی گۆڕانی سیاسەتی تورکیا لە ھەمبەر کوردی سوریا

تونجەر باقرخان سەرۆکی دەم پارتی بە ئاماژە بە ھەوڵی کوردانی سوریا بۆ ڕێگرتن لە تاوسەندنی قەیران لەم وڵاتەدا گوتی : پێویستە تورکیا شێوازی ھەڵسوکەوتی خۆی لە ھەمبەر کوردی سوریا بگۆرێت .