SAHAR

کاتی بڵاوبوونەوە: 16:30

1-

پزشکیان: خەڵکی ئێران پێملی زوڵم و دەسدرێژکاریی نابێ

سەرۆک کۆماری ئێران ئەمڕۆ لە ٣٩یەمین جڤینی نێونەتەوەیی یەکێتی ئیسلامی بەڕاگەیاندنی شکست هێنان بە دوژمن لە شەڕی ١٢ رۆژەدا، وتی: خەڵکی ئێران، دوژمنیان بێهوا کردو سەلماندیان کە لەهەمبەر زوڵم، ستەم و دەسدرێژکاریدا سەردانانەوێنن.

2-

کوژران و برینداربوونی٢٥زایۆنی لە قودس

لە ئاکامی هەڵمەتی شەهادەتخوازانەی فەلەستینیەکان لە قودسی داگیرکراو، پێنج زایۆنی کوژران و٢٠ کەسیش برینداربوون کە حاڵی چەند برینداری زایۆنی، شپرزە ڕاگەیێندراوە.

3-

شەهیدبوونی پەیامنێرێکی دیکەی فەلەستینی لە غەززە

میدیاکانی فەلەستین ڕایانگەیاند؛ "ئوسامە ئەحمەد بەعلوشە" پەیامنێری فەلەستینیی کەناڵی "ئەلمەشهەد" لە بۆردومانی گەڕەکی "شێخ ڕیزوان"ی غەززە لەلایەن رژیمی زایۆنییەوە شەهید کرا.

4-

ڕەخنەی نەتەوە یەکگرتووەکان لە درێژەی تاوانکارییەکانی رژیمی زایۆنی

"تام فلیشتەر"ی سەرۆکی ئیدارەی کاروباری مرۆییانەی نەتەوە یەکگرتووەکان بەڕاگەیاندنی ئەوەی کە مەرگ، وێرانی، قات و قڕیی و ئاوارەبوونی فەلەستینیەکان لە غەززە، بەهۆی سیاسەتەکانی رژیمی زایۆنییەوەیە، وتی: ئەو جەنایەت و تاوانکارییانە، پێچەوانەی یاساوڕێسا نێودەوڵەتییەکانەو شەرمەزار دەکرێ.

5-

تەقینەوە لە باشوری رۆژاوای سووریا

سەرچاوە سووریەکان ڕایانگەیاند، تەقینەوەیەک لە پارێزگای دەرعا هەڵکەوتوو لە باشوری رۆژاوای ئەو وڵاتە، ڕووی دا کە بەهۆیەوە، ئۆتۆمبیلی هێزی پۆلیسی حکومەتی کاتیی جۆلانی بەئامانج گیراوە و ئاماری کوژراو و برینداری ئەو هێرشە، نادیارە.

6-

چوونەسەری ئاستی هەناردەی نەوتی عێراق

پاشەکەوتی نەوتی عێراق ١٥٠ملیار بەرمیلە؛ سودانی: هەتا ١٢٠ ساڵی دیکە نەوتمان بۆ بازاڕی جیهانی هەیە؛ سەرۆک وەزیرانی عێراق بەڕاگەیاندنی ئەوەی کە پاشەکەوتی نەوتی ئەو وڵاتە دەگاتە ١٥٠ملیار بەرمیل، وتی: عێراق بۆ لانیکەم ١٢٠ساڵی داهاتوو، نەوتی هەیەو دەتوانێ دابینکەری بڕی زیاتری نەوت بێ بۆ بازاڕە جیهانییەکان.