SAHAR

کاتی بڵاوبوونەوە: 11:30

1-
عێراقچی: ڕژێمی زایۆنیستی گەورەترین هەڕەشەی ناوچەییە

وەزیری دەرەوەی ئێران بە ڕاگەیاندنی ئەوەی کە ڕژێمی زایۆنیستی گەورەترین مەترسییە بۆ سەر ئاشتی و ئاسایشی ناوچەکە، وتی: بەرەنگاربوونەوەی ڕژێمی زایۆنی پێویستی بە بڕیاری بە کۆمەڵی وڵاتانی ناوچەکە هەیە.

2-

حەماس: ئەمریکا هاوبەشە لە تاوانەکانی ڕژێمی زایۆنیستییدا

محەمەد نەزال، بەرپرسێکی بزووتنەوەی حەماس، بەڕاگەیاندنی ئەوەی کە ڕژێمی زایۆنی بە پاڵپشتی واشنتۆن، سەرکردەکانی خۆڕاگریی  لەحاڵێکدا کردە ئامانج کە لە قەتەر دانوستانیان دەکرد ؛ واشنتۆنی بە هاوبەشی هەموو تاوانەکانی ڕژێمی زایۆنی زانی.

3-

چالاکانی دژە شەڕ هێرشیان کردە سەر ستۆدیۆی کەناڵی ١٤ی ڕژێمی زایۆنی

نەیارانی سیاسەتەکانی نەتانیاهۆ بە نیشانەی ناڕەزایەتی بە درێژەی شەڕی غەززە و نەگۆڕینەوەی دیلەکانی فەلەستینی بە دەستبەسەرکراوانی زایۆنی هێرشیان کردە سەر ستۆدیۆی کەناڵی ١٤ی ڕژێمی زایۆنیستی و خوازیاری دەستلەکارکێشانەوەی نەتانیاهۆ و ئاگربەست لە غەززە بوون.

4-

زیادبوونی ژمارەی شەهیدان لە هێرشی ڕژێمی زایۆنی بۆ سەر یەمەن

وەزارەتی تەندروستی یەمەن ڕایگەیاند کە ژمارەی شەهیدانی هێرشی ڕژێمی زایۆنی بۆ سەر خاکی ئەو وڵاتە گەیشتووەتە ٣٥ کەس و بە دەیان کەسیش بریندار بوون.

5-

تاوسەندنی پێکدادانەکانی نێوان هێزەکانی جەولانی و هێزەکانی هەسەدە

سەرچاوە هەواڵییەکانی سوریا باسیان لە تێکهەڵچوونی نێوان سەربازانی ڕژێمی جەولانی  و هێزەکانی هەسەدە لە گردو پەڕی  حەلەب  لە ڕۆژهەڵاتی ئەم وڵاتە کرد و پشتڕاستیان کردەوە کە لەو تێکهەڵچوونانەدا دوو هێزی جەولانی  کوژراون و سێ هێزی دیکەش بریندار بوون.

6-
عەلی حەمە ساڵح ڕەخنە لە ڕوون نەبوونی فرۆشتنی نەوتی هەرێم دەگرێت

عەلی حەمەساڵح، سەرۆکی ڕەوتی هەڵوێستی نیشتمانیی هەرێمی کوردستانی عێراق ڕایگەیاند: لەوەتەی هەناردەکردنی نەوتی هەرێمی کوردستان وەستاوە تا ئێستا نزیکەی 262 ملیۆن بەرمیل نەوت لە کێڵگەکانی هەرێم فرۆشراوە،  بەڵام بەهۆی نەبوونی شەفافیەت لە فرۆشتنی نەوت، هیچ سوودێکی نەگەیشتووەتە خەڵکی هەرێم.

7-

زیادبوونی دەستگیرکردنی خۆپیشاندەرانی ناڕازی فەرەنسا

ناڕەزایەتییەکانی سەرتاسەری دژ بە حکومەت لە فەرەنسا کە هاوکات بوو لەگەڵ دەستبەکاربوونی سەرۆکوەزیرانی نوێی ئەو وڵاتە، بووە هۆی توندوتیژی و نائارامی بەربڵاو و هەروەها دەستگیرکردنی نزیکەی ٣٠٠ خۆپیشاندەر.