SAHAR

کاتی بڵاوبوونەوە: 13:30

1-

جەختکردنەوەی عەراقچی لەسەر پەرەپێدانی پەیوەندییەکانی ئێران و تونس

وەزیری دەرەوەی ئێران و هاوشانه تونسییەکەی لە کۆنگرەیەکی ڕۆژنامەوانیدا جەختیان کردەوە لەسەر پێویستیی پەرەپێدانی پەیوەندییەکانی نێوان هەردوو وڵات لە بوارەکانی بازرگانی، پزیشکی، زانست و فەرهەنگ و پێکهێنانی کۆمسیۆنێکی هاوبەشی ئابووریی نێوان هەردوو وڵات .

2-

زیادبوونی  ژماری شەھیدانی فەلەستینی لە غەززە

سەرچاوە نەخۆشخانەییەکان لە کەرتی غەززە ڕایانگەیاند کە لە هێرشە بەردەوامەکانی ڕژێمی زایۆنی بۆ سەر ناوچە جۆربەجۆرەکانی غەززە 72 فەلەستینی دیکە شەهید بوون و کۆی گشتی شەهیدان گەیشتە 64 هەزار و 656 کەس.

3-

ئیدانە کرانی هێرشی دڕندانەی ڕژێمی زایۆنی بۆ سەر یەمەن

حیزبوڵڵای لوبنان  لە بەیاننامەیەکدا هێرشی ڕژێمی زایۆنیستی بۆ سەر شارەکانی سەنعا و ئەلجەوف لە یەمەنی بە دڕندانە و ناجوامێرانە ناوبرد و ئەم تاوانەی  ئیدانە و شەرمەزار کرد.

4-
 جەختکردنەوەی مەشات لەسەر  وەڵامدانەوەی تاوانەکانی ڕژێمی زایۆنیستی 

مەهدی ئەلمەشات، سەرۆکی ئەنجومەنی باڵای سیاسی یەمەن، وێڕای ئیدانەکردنی هێرشی ڕژێمی زایۆنی بۆ سەر خاکی یەمەن، وتی: بێ گومان هێزەکانی یەمەن  وەڵامی بەبڕشتانە دەدەنەوە بەو تاوانکاریانەی ڕژێمی زایۆنیستی.

5-

تاوسەندنی قەیران و نائەمنی لە سوریا

میدیاکانی سوریا باسیان لە زیادبوونی کوشتن و پێکدادانی چەکداری لە حومس و حەلەب و دەوروبەری دیمەشق کرد و ڕایانگەیاند کە بۆشایی ئەمنی ناوچەکانی ژێر دەسەڵاتی حکومەتی کاتی بووەتە هۆی بەدیهاتنی ئەم دۆخە.

6-

لایەنگرێکی ترامپ لە کاتی وتارداندا تیرۆر کرا

چارلی کرێک، کەسایەتییەکی پارێزکاری ئەمریکی و لایەنگری ترامپ و ڕژێمی زایۆنیستی، لە کاتی پێشکەشکردنی وتار لە زانکۆی یوتا ڤالی لە ویلایەتی یوتا، تەقەی لێکرا و کوژرا.

7-

نەتەوە یەکگرتووەکان پێشوازی لە ڕێککەوتنی ئێران و ئاژانس دەکات

وتەبێژی ڕێکخراوی نەتەوە یەکگرتووەکان پێشوازی لە ڕێککەوتنی دەستپێکردنەوەی هاوکاری هاوبەشی نێوان ئێران و ئاژانسی نێودەوڵەتی وزەی ئەتۆمی کرد و وتی: چاوەڕوانی جێبەجێکردنی خێرای ئەم ڕێککەوتنە دەکەین.