SAHAR

کاتی بڵاوبوونەوە: 16:30

1-

شەرمەزارکردنی هێرشی ڕژێمی زایۆنی بۆ سەر قەتەر

مەسرور بارزانی، سەرۆکوەزیرانی هەرێمی کوردستانی ئێراق، وێڕای ئیدانەکردنی هێرشەکانی ڕژێمی زایۆنی بۆ سەر قەتەر وتی: ئەم هێرشانە پێشێلکارییەکی ڕوونی یاسا نێودەوڵەتییەکانە.

2-

یەمەنیەکان بە توندی وەڵامی تاوانکاریەکانی ڕژێمی زایۆنی دەدەنەوە

نەسرەدین عامر، بەڕێوەبەری پەیوەندییە میدیاییەکانی ئەنساروڵڵای یەمەن، ڕایگەیاند: هێرشی ڕژێمی زایۆنی بۆ سەر یەمەن بە پشتیوانی ڕاستەوخۆی ئەمریکا و بەریتانیا و خەیانەتی بەشێک لە حکوومەتە عەرەبییەکان ئەنجام دراوە و وتی: وەڵامی یەمەنییەکان بۆ ڕژێمی زایۆنیستی “لێبڕاوانە و  قورس و ئازاربەخش” دەبێت.

3-

شەهیدبوونی لوبنانییەک لە هێرشەکانی ڕژێمی زایۆنیستی

هێرشەکانی  بە خۆفڕی ڕژێمی زایۆنیستی  بۆ سەر باشووری لوبنان، بووە هۆی شەهید بوونی هاووڵاتییەک و وێرانبوونی بە تەواوەتی بینای قوتابخانەیەک لە شارۆچکەی عیتا ئەلشەعب لە باشووری ئەو وڵاتە

4-

دەستبەسەرداگرتنی سەروەت و سامانی چەند کۆمپانیایەکی گەورە لە تورکیا

لە هەڵمەتی دادئەستێنی کوچوکچەکمەجە ی ئەستەنبۆڵ ، سەروەت و سامانی ١٢١ کۆمپانیا، لەوانە جان هۆڵدینگ، کەناڵەکانی هابەرتورک  و شۆ تیڤی بە تۆمەتی "پێکهێنانی ڕێکخراوێکی تاوانکاری"، "قاچاخچێتی"، "ساختەکاری" و " سپیکردنەوەی پارە" 
دەستی بەسەردا گیرا.

5-

786 کاندیدی هەڵبژاردنی عێراق بە تۆمەتی گەندەڵی و ئەنجامدانی تاوان دوورخرانەوە

جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق ڕایگەیاند، بەهۆی گەندەڵی و ئەنجامدانی تاوانەوە 786 کاندیدی هەڵبژاردنی پەرلەمانی عێراق لە ململانێکانی پەرلەمانی دوورخراونەتەوە.

6-
تاوپێدانی پێکدادانەکانی نێوان هێزەکانی جەولانی و هەسەدە

هاوکات لەگەڵ ئەوەی کە هێزەکانی سەر بە جەولانی هەوڵیان دا بچنە ناو شاری دێرحافزی سەر بە پارێزگای حەلەب، شەڕ و پێکدادانی توند لەنێوان ئەوان و هێزەکانی هەسەدە ڕوویدا و میدیاکان بڵاویانکردەوە کە لەو تێکهەڵچوونانەدا چەند کەسێک لە هەردوولا کوژراون و یان برینداربوون.