SAHAR

کاتی بڵاوبوونەوە: 13:30

1

هێرشی مووشەکیی هێزە چەکدارەکانی یەمەن بۆ سەر سەرزەویە داگیرکراوەکان

وتەبێژی هێزە چەکدارەکانی یەمەن هێرشەکەی بە مووشەکی بالیستیکی "فەلەستین ٢" بۆ سەر ئامانجە هەستیارەکان لە سەرزەویەداگیرکراوەکانی ڕاگەیاند و وتی: ئەم ئۆپەراسیۆنە سەرکەوتوو بوو و بووە هۆی هەڵاتنی ملیۆنان زایۆنیست بۆ حەشارگەکان.

2-

ئامادەبوونی بەرفراوانی فەلەستینییەکان لە نوێژی هەینی لە مزگەوتی ئەقسا

بەگوێرەی ئاماری فەرمانگەی ئەوقافی فەلەستین، سەرەڕای ئەو بەربەستی و سنووردارکردنانەی کە داگیرکەرانی زایۆنیستی سەپاندوویانە، دوێنێ زیاتر لە ٤٠ هەزار فەلەستینی لە نوێژی هەینی لە مزگەوتی ئەقسادا بەشدارییان کردووە

3-

کۆمەڵگەی نێودەوڵەتی لە بەرامبەر تاوانکاریەکانی ڕژێمی زایۆنیستی بێدەنگ نەبێ

لوقمان فەیلی باڵیۆزی عێراق لە نەتەوە یەکگرتووەکان وێڕای ئیدانەکردنی هێرشەکانی ڕژێمی زایۆنی بۆ سەر قەتەر وتی: کاتی ئەوە هاتووە کۆمەڵگەی نێودەوڵەتی لە بەرامبەر تاوانەکانی ئەم ڕژێمە بێتە دەنگ و  ئەم ڕژێمە لەبەر تاوانکاریەکانی بخەنە ژێر لێپرسینەوە ولێپێچینەوەی لێ بکرێ.

4-

نیگەرانی لە کەمبوونەوەی ئاستی ئاوی بەنداوەکانی عێراق و ناوچەکە

سائر جەبوری، ئەندامی کۆمیسیۆنی کشتوکاڵی پەرلەمانی عێراق وێڕای دەربڕینی نیگەرانی لە کەمبوونەوەی ئاستی ئاوی بەنداوەکانی عێراق و هەرێمی کوردستان وتی: لەم دۆخەدا تورکیا بەهەمان شێوە ئەم قەیرانە مەترسیدارتر دەکات بە نەناردنی بەشە ئاو بۆ عێراق.

5-

شەپۆلی نوێی دەستگیرکردن لە تورکیا

لە ئۆپراسیۆنێکدا پۆلیسی تورکیا حەسەن موتلو، سەرۆکی شارەوانی ناحیەی بایرەمپاشای ئەستەنبوڵ کە ئەندامی جەهەپەیە لەگەڵ ٤٥ کارمەندی دیکەی ئەو شارەوانییەی بە تۆمەتی گەندەڵی و دزی دەستگیرکرد

6-

هۆشدارییدانی بزووتنەوەی ئەمەل بە وڵاتانی عەرەبی

هانی قوبەیسی، نوێنەری بزووتنەوەی ئەمەل لە پەرلەمانی لوبنان بە ئاماژەدان بە توانای خۆڕاگریی بۆ بەرگریکردن لە لوبنان وتی: هەتا داگیرکاری هەبێت، بەرخۆدان بەردەوام دەبێت و لەشکرکێشی زایۆنیستەکان بۆ سەر قەتەر نیشانی دا کە دەسدرێژی ئەم ڕژێمە  هەموو وڵاتانی عەرەبی گرتۆتەوە و چڕتربۆتەوە.