ڕووداوەکانی جیهان لەسەد چرکەدا 18-09-2025/ پێداگریی ئێران لەسەر پەرەی پەیوەندییەکان لەگەڵ ڕووسیا
کاتی بڵاوبوونەوە: 13:30
1
پێداگریی ئێران لەسەر پەرەی پەیوەندییەکان لەگەڵ ڕووسیا
"مەسعود پزیشکیان" سەرۆک کۆماری ئێران لەدیدار لەگەڵ وەزیری وزەی رووسیادا وتی: هیچ بەربەست و ئاستەنگێک نییە لەبەردەم هاوکاریی ئێران و ڕووسیا. وتیشی: سەرچەشن و مۆدێلی هاریکاریی سەرکەوتووی وڵاتانێکی سەربەخۆی وەک ئێران و ڕووسیا ئەوە دەسەلمێنێ کە سەردەمی یەکلایەنخوازیی و تەک جەمسەریی لەجیهاندا کۆتایی هاتووە.
2
بۆرسەی تەلەڤیڤ هەروا لەسەراوژێریی داڕماندا
بۆرسەی تەلەڤیڤ بەهۆی کەمبوونی ئاستی متمانەی خاوەن سەرمایەکان و چوونەسەری نیگەرانییە ئابوریەکان، بۆ شەشەمین رۆژی بەدوای یەکدا شایەتی دابەزینێکی بەرچاو بوو.
3
ڕابەری مەعنەویی دروزەکان: لەگەڵ دیمەشق دانوستان ناکەین
"شێخ حیکمەت ئەلهیجری" ڕابەری مەعنەویی دروزەکانی سووریا پێی داگرت؛ لەگەڵ حکومەتی کاتیی دیمەشق دانوستان ناکەین. وتیشی: ڕێگاچارەی قەیران لە پارێزگای سوەیدا، پەیوەستە بە گۆڕانێکی بنچینەیی.
4
دانپێدانانی سکرتێری گشتیی نەتەوە یەکگرتووەکان بە پێویستیی داڕشتنەوەی ئەو ڕێکخراوە
سکرتێری گشتیی ڕێکخراوی نەتەوە یەکگرتووەکان وتی: داڕشتی ئەنجومەنی ئاسایش دەبێ بگۆڕدرێ. وتیشی: پێکهاتەو داڕشتی ئێستای ئەنجوومەنی ئاسایش هی ساڵی١٩٤٥ـەو هاوتەریب لەگەڵ جیهانی هەنووکەدا نیە.
5
٤ کوژراو لە دەسڕێژێک لە پێنسیلوانیای ئەمریکا
تەقەو دەسڕێژێکی مەرگهێن لە ناوچەی "نۆرس کۆدۆرێس" هەڵکەوتوو لە شاری"یۆرک"ی ئەیالەتی پێنسیلوانیای ئەمریکا، کوژرانی چوار کەس لەوان سێ ئەفسەری پۆلیسی لێکەوتەوە.
