تەقینەوەی ئۆتۆمبێلی بۆمبڕێژکراو لە حەڵەبی سوریا بووە هۆی کوژران و برینداربوونی چەند کەسی مەدەنی .

بە پێی راپۆرتی هەواڵدەریی فەرمیی سوریا ( سانا ) ، ئەمڕۆ شەممە تیرۆریستان ئۆتۆمبێلێکی بۆمبڕێژکراویان لە بازاڕێک لە ئەڕڕاعی سەر بە ناوچەی ئەلباب تەقاندەوە کە لە ئەنجام دا چەند کەسی مەدەنی کوژران و بریندار بوون . 

 شیاوی باسە زۆربەی ناوچەکانی باکووری  رۆژهەڵاتی حەڵەب لە ژێر کۆنتڕۆڵی چەکدارانی سەر بە تورکیادان .

 هێشتا هیچ تاقم و گروێک بەرپرسایەتی ئەم تەقینەوە تیرۆریستیەی نەگرتووەتە ئەستۆ .