لەشکریانی تیرۆریستی ئەمریکی ھەمیسان دەیان تۆن گەنمی سووریایان لە گردوپەڕی پارێزگای «حەسەکە»ی باکووری ڕۆژھەڵاتی ئەم وڵاتە بە تاڵان برد.

بە پێی ڕاپۆرتی ھەواڵدەریی فەرمیی سووریا(سانا)، ڕۆژی پێنج شەممە ڕایگەیاند: ھێزەکانی داگیرکەری ئەمریکی بە ٢٠ گەڵابە گەنمی جەماوەری سووریایان لە گردوپەڕی پارێزگای «حەسەکە» بار داو لە ڕێگای بوارگەی نایاسایی «ئەلوەلید» ئاودیوی باکووری عێراقیان کرد.

لەشکریانی ئەمریکی و چەکدارانی پێوەبەستراویان کە ماوەیەکە بە نایاسایی لە باکوورو ڕۆژھەڵاتی سووریادا جێگیرن، جیا لە تاڵان کردنی نەوت و ھەروەھا گەنمی ئەم وڵاتە، دژی دانیشتووان و ھێزەکانی سووریاش دەجوڵێنەوە کە ئەمەش نەیارەتیی بەرڕبڵاوی خەڵکی لێ کەوتووەتەوە.

کاربەدەستانی سووریا گەلێک جار ڕایانگەیاندووە کە ھەنگاوەکانی ئەمریکا لە سووریا بە واتای داگیرکارییە لەم وڵاتەدا.