دانوستانی دوو قۆڵیی شاندەکانی سوریا و ڕووسیا لە مۆسکۆ
دانوستانی دوو قۆڵیی شاندەکانی سوریاو ڕووسیا ڕۆژی دووشەممە لە مۆسکۆ بەڕێوەچوو.
بەپێی ڕاپۆرتی ئیرنا ڕۆژی دووشەممە، دانوستانە دووقۆڵییەکانی نێوان شاندەکانی ڕووسیاوسووریا بە سەرۆکایەتی «میخائیل بۆگدانۆڤ» بریکاری وەزیری دەرەوەی ڕووسیاو نوێنەری تایبەتیی «ڤلادیمیر پوتین» سەرۆکی ئەم وڵاتە بۆ کاروباری ڕۆژئاوای ئاسیاو وڵاتانی ئەفریقی و «ئەیمەن سۆسان»، بریکاری وەزیری دەرەوەی سوریا لە وەزارەتی دەرەوەی ڕووسیا لە مۆسکۆ بەڕێوەچوو.
پێشتریش دیدارێکی دوو قۆڵی لەنێوان شاندەکانی کۆماری ئیسلامیی ئێران و سوریا لە باڵیۆزخانەی سوریا لە مۆسکۆ بە سەرپەرشتیی «عەلی ئەسغەر خاجی» و «ئەیمەن سۆسان» جێگری وەزیری دەرەوەی دوو وڵات بەڕێوەچوو.
لەم دیدارەدا هەردووکلا دوایین پرسەکانی پەیوەست بە پەیوەندییه دوو قۆڵییەکان و پێشهاتە سیاسی و نێودەوڵەتییەکان له سووریایان تاوتوێ کرد.
ھەر لەم ئاراستەیەدا دیدارێکی دیکەی دوو قۆڵی لە نێوان «عەلی ئەسغەر خاجی» و «میخائیل بۆگدانۆڤ»دا بەڕێوەچوو.
لەم دیدارەدا لایەنەکان جەختیان لە چارەسەرکردنی کێشە هەنووکەکانی نێوان سوریا و تورکیا لە ڕێگەی چارەسەری ئاشتیانە و دیالۆگی سیاسی کردەوە و پشتیوانیی خۆیانیان بۆ ئاسایی کردنەوەی پەیوەندییەکانی نێوان ئەم دوو وڵاتە لە چوارچێوەی کۆبوونەوەی چوارقۆڵی و بەگوێرەی یاساو ڕێساکان نێونەتەوەییەکان و دابی دراوسێیەتی ڕاگەیەند.
