SAHAR

سوپای زایۆنی ڕایگەیاند کە یەکێک لە فڕۆکە بێفڕۆکەوانەکانی بە هۆی تەگەرەی تەکنیکییەوە لە سوریا کەوتووەتە خوارەوە.

ڕژێمی زایۆنی بە شێوەیەکی بەردەوام سنووری ئاسمانی سوریا دەبەزێنێ و هێرش دەکاتە سەر خاکی سوریا.

بە پێی ڕاپۆرتی ماڵپەڕی ئەلنەشرە، «ئەڤیخای ئەدرعی» وتەبێژی سوپای زایۆنیی ڕایگەیاند: شەوی سێشەممە لە سەر چوارشەممە یەکێک لە فڕۆکە بێفڕۆکەوانەکانی سوپا بە هۆی تەگەرەی تەکنیکییەوە لە سووریا کەوتووەتە خوارەوە.

سوپای ئیسرائیل بانگەشەی ئەوەی کردووە داکەوتنی ئەو فڕۆکە بێ فڕۆکەوانەی خەمی ئەوەیان لە لا دروست ناکات کە زانیاری و نھێنییەکانیان بدرکێندرێت.

حکومەتی سووریا گەلێک جار نامەی بۆ نەتەوە یەکگرتووەکان و ئەنجوومەنی ئاسایشی نەتەوە یەکگرتووەکان ناردووە و ئەم هێرشانەی ڕژێمی زایۆنیی شەرمەزار کردووە و داوای ڕاگرتنی لێ کردووە.