پەلاماری فڕۆکە شەڕکەرەکانی ڕژێمی زایۆنی بۆ سەر ناوچەکانی سوریە
فڕۆکە شەڕ کەرەکانی ڕژێمی زایونی ناوچەگەلێک لە باشووری دیمەشق و پارێزگای دەرعایان کردە ئامانج .
فڕۆکە شەڕ کەرەکانی ڕژێمی زایونی ئامانجگەلێک لە پارێزگاکانی ڕیفی دیمەشق و دەرعایان بۆردمان کردوە . هێزی ئاسمانی ڕژێمی زایونی هەروا بنکەی لەشکەری یەکەمی ئەرتەشی سوریا لە باشووری ڕوژئاوای دیمەشقیان بوردمان کرد .
مێدیاکانی سوریاش باسیان کرد لە چوونی هێزەکانی زەوینی ئەرتەشی ڕژێمی زایونی بۆ ناو ناوچەگەلێک لە پارێزگاکانی قونەیتەرە و دەرعا هاوکات لە گەڵ ئەو پەلامارگەلە . لە هەمان حاڵدا بزووتنەوەی خۆڕاگری ئیسلامی فەلەستین حەماس و بزووتنەوەی جیەادی ئیسلامی فەلەستین دەسدرێژکاری جەنایەتکارانەی ئەم دواییەی ڕژێمی زایونی بۆ سەر بڕێک لە ناوچەکانی سوریایان بە توندی شەرمەزار کرد .
حەماس جەختی کرد پەلاماری داگیرکەران دەسدرێژی ئاشکرایە بۆ سەر دەسەڵاتداریەتی سووریا و درێژەی سیاسەتەکانی پاوانخوازانەی ڕژێمی زایونی دژی وڵاتانی عەرەبی. لەو پێناوەدا بزوتنەوەی جیهادی ئیسلامی فەلەستینیش دەسدرێژکاری ڕژێمی زایونی بۆسەر خاکی سوریای ئیدانە کرد و جەختی کرد کە بوردمانی باشووری دیمەشق و داگیکردنی ناوچەگەلی دیکە بنپێکردنی ئاشکرای دەسەڵاتداریەتی ئەو وڵاتەیە .
لە لایەکی دیکەوە خەڵکی سوریا لە شارەکانی دیمەشق و حومس بە بەڕێوە بردنی ڕێپێوانی شەوانە لە ناوچە جوراوجورەکانی ئەو وڵاتە دەسدرێژکاریەکانی ڕژێمی زایونیان ئیدانە کرد شیاوی باسە کە ئەرتەشی ڕژێمی ز ایونی دوای کەوتنی حکومەتی بەشار ئەسەد بە کەڵک وەرگرتن لە کەلێنی هێزمەندی لە سووریا هەموو ژێرخانەکانی سەربازی و ئابووری ئەو وڵاتەی بوردمان کردووە و بەشگەلێک لە خاکی ئەو وڵاتەشی داگیر کردووە و تا بە ئێستا ئامادەی چوونەدەر لەو ناوچانە نیە
