بەردەوامیی جموجۆڵی هێزی زایۆنی لە باشووری سوریا
ئادار 04, 2025 18:59 Asia/Tehran
ژێدەرە سوورییەکان باسی بەردەوامبوونی جم و جۆڵی هێزی سەربازیی ڕژێمی زایۆنی لە باشووری سوریا دەکەن.
ژێدەرە سوورییەکان ڕایانگەیاندووە ؛ داگیرکەرانی زایۆنی ئۆپەراسیۆنەکانیان هاوکات لەگەڵ دەسدرێژیی زەوینی بۆ سەر قونەیتەرە لە باشووری سوریا ئەنجام داوە و هێزێکی ئەم ڕژێمە چۆتە نێو شارۆچکەی ڕویحنییە لە دەڤەری قونەیتەرە و ڕێگای پێوەندیی لەگەڵ ناوچەی ئەلتەیحەیان داخستووە. لە لایەکی دیکەوە ژێدەرە هەواڵییەکانی سوریا باسی پەلاماری ئاسمانیی ڕژێمی زایۆنی دەکەن بۆ سەر شاری تەرتووس لە قەراخاواکانی سوریا. لە تەقینەوەیەکیشدا لە دەروازەی چوونەناوەوەی شاری بووکەمال لە دێرەزوور سێ کەس کوژران و ٢٠ کەسیش بریندار بوون.
