SAHAR

فەرماندەی گشتی هێزەکانی سوریای دیموکراتیک ڕایگەیاند، ئەو هێزە ڕاستەوخۆ پەیوەندی لەگەڵ تورکیا هەیە و ئامادەیە پەیوەندییەکانی لەگەڵ تورکیا باشتر بکات.

مەزلوم عەبدی ئاماژەی بەوەشکرد، کە هەسەدە  لە پەیوەندی ڕاستەوخۆدایە لەگەڵ تورکیا و ئامادەیە پەیوەندییەکان باشتر بکات، لەوانەش لەڕێگەی دیدارێکەوە لەگەڵ ڕەجەب تەیب ئەردۆغان، سەرۆککۆماری تورکیا. ئاماژەی بەوەشکرد، ئێمە پەیوەندیمان لەگەڵ تورکیا هەیە لەڕێگەی پەیوەندییە ڕاستەوخۆکان، کەناڵەکانی پەیوەندی ڕاستەوخۆ، و هیوادارین ئەم پەیوەندییانە گەشە بکەن. ئەو فەرماندەیەی (هەسەدە) ئاماژەی بەوەشکرد،  هێزەکانی (هەسەدە) و میلیشیاکانی سەر بە تورکیا شەڕێکی درێژخایەنیان لەدژی یەکتر هەبووە، بەڵام بە پێی ئاگربەستێکی کاتی لە دوو مانگی ڕابردوودا،  ئەوتێکهەڵچوونانە خەریکە دەوەستێت .